Abandonados pola vagancia dos políticos

Hai interese por crear unha Ruta do Viño na subzona da Ulla, dentro de denominación de orixe Rías Baixas, que xa conta con unha no Salnés.

Á primeira reunión acudiron empresarios con bodegas, restaurantes ou aloxamentos. Os expertos, arroupados polo presidente do consello regulador e un representante do Goberno central, explicaron os detalles. A unión de forzas será clave. Co viño como base pódese crear turismo. Todos deben defender os productos e presumir deles. Nese tecido formado na ruta deben recomendar a visita ó veciño. Hai que falar ben dos platos do restaurante, da comodidade da casa rural, do artesán, dos nosos productos e tratar ós turistas o mellor posible para que repitan.

Na creación desta ruta é importante a participación municipal pero nesta primeira reunión os asistentes sentiron vergoña ó verse abandonados. Só estaban os representantes de Vedra -con dous concelleiros e un técnico- e non acudiron nin deron ningún tipo de desculpa os de Teo, Padrón, Boqueixón, Touro, A Estrada, Silleda e Vila de Cruces. Foi unha ausencia dolorosa.A vagancia dos políticos, que só tiñan que mandar ir a un técnico, deixou en evidencia o interese por impulsar un turismo que xa ten dado mostras de funcionar nunha morea de onas vinícolas de toda España.

Claro que as eleccións xa foron, e se aínda estivesen ahí sería mellor ir ás festas dos vellos, que dan máis votos.