Inscrición para o VII Día Autonómico do Minibásket

O grupo Correo Gallego organiza, en colaboración coa Federación Galega de Baloncesto e, o Concello de Santiago o VII DÍA AUTONÓMICO DO MINIBÁSQUET, que terá lugar o vindeiro 12 de xuño, no pavillón Multiusos Fontes do Sar.

A este torneo están invitados todos os equipos de Galicia formados por nenos e nenas nados no ano 1998 e posteriores, cun máximo de 12 xogadores e 2 adultos por equipo.

Para inscribirse terán que remitir a folla de inscrición adxunta (unha por cada equipo) debidamente cuberta ó número de fax 981-543804 ou ó correo electrónico minibasquet@elcorreogallego.es  antes do día  07-05-2010. É importante acompañar enderezo electrónico para facilitar as comunicacións.

Pola limitación propia das instalacións, o número de participantes é limitado e a INSCRICIÓN REALIZARASE POR ESTRITA ORDE DE CHEGADA.

Todos os equipos disputarán dous encontros, un de mañá e outro de tarde e poderán participar en  xogos, en concursos de habilidade e noutras actividades con monitor.

O Grupo Correo Gallego faise cargo do transporte, e da manutención de todos os participantes. Ademáis, vaise contar con asistencia médica no pavillón.

Unha vez finalizada a inscrición informarase ós equipos do percorrido dos autobuses que farán os traslados.