O quinto Congreso da CIG reafirma a actual liña sindical

Un momento da celebración do V Congreso da Confederación Intersindical Galega

O V Congreso da Confederación Intersindical Galega, celebrado baixo o lema "O sindicato que avanza canda ti. Sindicalismo nacionalista e de clase", concluía o domingo 21 de xuño tras dúas xornadas de intenso debate nas que participaron máis de 600 delegados e delegadas.

A CIG reafírmouse, no seu modelo sindical, comprometido coa defensa dos intereses da clase traballadora galega , baseado na participación na toma de decisións, na mobilización, no enfrontamento co poder e na defensa dos intereses de Galiza. Un modelo que levou á central a incrementar a súa representatividade nas eleccións sindicais nun 22,48%, situándose como segunda forza en Galiza, e como primeira canto a afiliación, cun total de 66.504 afiliados e afiliadas.

O V Congreso acordou introducir modificacións no modelo organizativo para mellorar o contacto coa afiliación e a organización interna reforzando o papel das secretarías de Organización, das asesorías xurídicas e aproveitando as potencialidades vinculadas ás novas tecnoloxías. Para a CIG é de especial relevancia reforzar a organización da mocidade da central intersindical poñendo en marcha mecanismos que garantan a súa participación e toma de decisións nos debates que teñan que ver ca súa problemática.

Razón Social/Confederación Intersindical Galega

Teléfono-Fax / 981 583 200- 981 571 082

Página web/www.galizacig.com

Dirección/C/Miguel Ferro Caaveiro, 10. Santiago