O presidente do PPdeG, Alberto Núñez Feijóo, expresou hoxe, no seu nome e dos militantes do Partido Popular de Galicia, a súa repulsa polo atentado que lle custou a vida ao empresario Ignacio Uría Mendizábal, tiroteado en Azpeitia (Guipúzcoa), e reafirmou o seu convencemento de que o terrorismo "puede e debe" ser derrotado cos instrumentos legais establecidos.
Nun comunicado de prensa, o PPdeG reiterou, a escasos días de celebrar un novo aniversario da Carta Magna, que a Constitución dispón de instrumentos abondos para combater o terrorismo.
Ademais realizou un chamamento ao conxunto das forzas políticas a reafirmarse nestes principios, convencido de que calquera desmarque que poida producirse con respecto ao marco común de convivencia "alenta ao mundo etarra e aos seus simpatizantes".
Por iso, Feijóo insistiu en animar ao conxunto da sociedade galega a sumarse á condena do asasinato "cometido polos pistoleiros de ETA".
O líder do PPdeG telefonou ao presidente do PP vasco, Antonio Basagoiti, para trasladarlle a súa solidariedade e pedirlle que faga chegar o seu pésame á familia e amigos da vítima.