O Concello de Lugo recórdalle ao BNG que sería unha imprudencia publicar información sobre a nova tarifa da auga

O Concello de Lugo recórdalle ao BNG que o novo modelo de tarifa da auga aínda non está aprobado en Pleno, co cal non pode ser implantando ata o ano próximo. Así, constituiría unha imprudencia publicar información sobre a nova tarifa ata que a súa aprobación non sexa efectiva, aspecto que será solventado previsiblemente no próximo pleno extraordinario de decembro.

Así mesmo, o Goberno Local informa de que, por este motivo, a información á cidadanía se ven facendo desde comezos de mes a través da campaña informativa O Goberno de Lugo Contigo. Nestas xuntanzas que se están a desenvolver en todos os barrios da cidade e na zona rural, infórmase aos veciños de que, unha vez se aprobe a nova tarifa, recibirán nas súas vivendas unha publicación didáctica na que se recollerán as características do novo modelo de facturación, así como consellos prácticos de cómo aforrar auga.