O Concello de Lugo súmase á conmemoración do Día Nacional de Galicia

O Concello de Lugo súmase hoxe á conmemoración do Día Nacional de Galicia que festexamos todos os galegos no día de Santiago. Unha festa que nos une a todos os que vivimos no país e os que se atopan fóra pero non por iso perderon a súa condición de galegos.

É hoxe un día para reivindicar o que nos une e o que nos é propio, os nosos sinais de identidade: língua, cultura e un pasado común.que fixeron de nós un pobo. Un legado ó que nós, os lucenses, nin queremos nin debemos renunciar senon que neste Día de Galicia estamos obrigados a renovar o compromiso de manter intacta esa herdanza para transmitirllela ás xeneracións que nos sucedan.

Así pois, no día de Santiago debemos festexar a nosa existencia como pobo, pero tamén temos que deixar claro que non queremos renunciar ó entendemento cos que son diferentes de nós.

Este ano o Día de Galicia ten a singularidade da celebración do Ano Santo coa importancia que ten para a nosa cidade por ser parte do Camiño Primitivo. E Lugo, que tamén conmemora este ano o décimo aniversario da nosa Muralla como Patrimonio Mundial, quere proclamar desde aquí a súa vocación galega.

Desde o Concello animamos, polo tanto, a todos os lucenses e a todos os galegos a disfrutar deste día, a compartilo con quen nos visitan e a renovar o noso compromiso para facer de Galicia unha terra próspera de xente feliz.