En liberdade os catro mariscadores que estaban en prisión pola trama das vieiras tóxicas

O xuíz Alejandro Morán Llordén ditou auto de posta en liberdade  provisional para os catro mariscadores que permanecían na prisión de Teixeiro pola súa suposta vinculación cunha trama de extracción e  compra-venda de vieira contaminada por toxina ASP, xa que o  maxistrado estima que non hai risco de fuga nin desaparición. 
Os catro mariscadores ingresaran en prisión sen fianza o pasado 9  de setembro acusados dun delito contra a saúde pública no marco da  operación que investigou unha suposta trama de extracción e  comercialización de vieira con tóxina amnésica.  
Estas catro persoas están imputados neste caso xunto a outros dous  mariscadores que xa quedaron en liberdade con cargos no seu momento,  ao igual que a restauradora Toñi Vicente e o responsable legal da  empresa distribuidora Comercial Xanquei, J.R.Q.R., que eludira a  prisión tras aboar unha fianza.  
A toxina ASP, coñecida como amnésica, ten carácter acumulativo e  pode provocar danos neurolóxicos irreversibles e perda de memoria.  Por iso, a única vieira de orixe galega que pode comercializarse é a  que se somete a un proceso de evisceración --eliminación de hepatopáncreas-- nun centro autorizado pola Xunta de Galicia.