Os pechados en Historia 'independízanse' da USC

PROTESTA Arredor de medio cento de estudantes manteñen o peche na Facultade de Xeografía e Historia da Universidade de Santiago de Compostela (USC), un acto de protesta contra os cambios nas taxas universitarias e a escaseza de aulas de estudo na época de exames que onte continuou cunha peculiar declaración de independencia. A modo de performance, o alumnado deu lectura a un manifesto no que se declarou a constitución da facultade como "universidade independente da USC", a "Universidade Pública Galega".

"Agardamos que a nosa loita sexa semente dunha universidade xusta, pública, democrática, galega, de calidade e popular, que por suposto garanta a formación íntegra das clases populares", reivindica o manifesto.