Pilar Rojo Noguera FOTO: X.L. Blanco

A popular Pilar Rojo será, a partir de mañá mércores, e por de sexo persoal do futuro xefe do Executivo autonómico,Alberto Núñez Feijóo, a persoa que ocupará a presidencia do Parlamento galego na VIII lexislatura que comeza. Convértese así na segunda muller que está á fronte deste posto na historia de Galicia, despois da súa predecesora inmediata, a socialista Dolores Villarino.

- Felicidades!

-Moitas grazas.

-¿Que significa para vostede persoalmente ir ocupar este posto?

-Significa un gran honor, sobre todo por ser proposta polos meus compañeiros de grupo parlamentario e polo meu presidente, porque supón que hai unha certa confianza en min de que podo ser unha persoa axeitada para estar ahí. Paréceme que para calquera galego ou galega ser o presidente do Parlamento de Galicia é un dos maiores honores que un pode ter. Para min é unha gran responsabilidade e estou moi preocupada porque o único ó que aspiro é a estar á altura do que se espera de min e ser unha presidenta do Parlamento o máis digna posible.

- ¿Pilar Rojo será unha presidentadura ou flexible?

-Pretendo ser eu, coas miñas virtudes e cos meus defectos, que teño moitos. Na miña vida trato sempre de ser unha persoa de consenso e dialogante,pero iso tamén implica que hai certas normas e hai un regulamento que hai que cumprir. A miña obriga é facer que os debates da Cámara se leven a cabo con normalidade. Aspiro a deixar que os debates sigan o seu curso, pero non podo esquecer que hai un regulamento que cumprir.