A Unión Europea avala o esforzo en I+D+i de Galicia

Bruxelas é consciente: Galicia traballa na boa senda no vital eido da I+D+i. Así, as empresas, centros tecnolóxicos, universidades e outros centros de investigación galegos conseguiron xa o obxectivo de captación de fondos do VII Programa Marco de Investigación e Desenvolvemento Tecnolóxico da Unión Europea (7PM). Os axentes do Sistema Galego de Innovación conseguiron financiamento comunitario a través desta ferramenta, con vixencia ata 2013, alcanzando xa os 31 millóns de euros que a Xunta establecera como cifra obxectivo para toda a súa duración.

O balance de resultados demostra que a iniciativa dos axentes galegos, así como a súa capacidade para presentar propostas de I+D+i competitivas a nivel europeo, superaron con moito as expectativas formuladas a principios de 2007, en especial no que se refire ás empresas.