Previsión para Galicia

Temperatura

Temperaturas mínimas en lixeiro ascenso, pero aínda con xeadas xeneralizadas no interior; máximas sen cambios significativos.

Estado do ceo

Ceos pouco anubrados ou despexados en xeral, con nubes baixas no extremo norte de Lugo e A Coruña.

Vento

Ventos do nordés, frouxos a moderados durante a mañá, aumentando en xeral en intensidade a partir do mediodía.

Comentario

As altas presións sitúanse nesta xornada sobre Gran Bretaña e mantéñense as baixas presións sobre Italia, o que vai facer que continúe o corredor de ventos do nordés, que seguirá aportando nubes ao extremo norte da Coruña e Lugo, mentres que no resto, un día máis, permanecerán co ceo pouco anubrado ou despexado. As temperaturas mínimas ascenderán lixeiramente en conxunto, aínda que se rexistrarán de novo valores baixo cero no interior, e as máximas quedarán estables. Os ventos soprarán do nordés, frouxos a moderados durante a mañá, aumentando en xeral en intensidade a partir do mediodía.