Bieito Iglesias presenta a novela 'Pan e coitelo'

O escritor Bieito Iglesias presentará este xoves, día 29 de maio, ás 20.30 horas, na Fundación Torrente Ballester, en Santiago, a súa última novela, titulada Pan e coitelo. Acompañarán o autor o editor Víctor Freixanes e Paulino Vázquez.

Segundo explica o propio ­autor, o libro contén "un relato policial, estampas políticas do fraguismo terminal, varios sketches costumistas que declinan a xovialidade do folclore actual, un retrato de familia, dúas crónicas de viaxes e outras tantas historias de amor".

Engade que os elementos tráxicos, "mesmo algunha escena truculenta resultante de mesturar a Cela con Tarantino, aparecen dulcificados por unhas personaxes que experimentan a gioia goliardesca e pasoliniana".

Nado en Ourense no 1957, Bieito Iglesias exerce de catedrático de lingua e literatura galegas en Santiago. É colaborador habitual de EL CORREO GALLEGO.