Espazo Atlántico vai reunir en Vigo máis de 50 galerías internacionais

Máis de 50 galerías de distintos países participarán en Espazo Atlántico, feira internacional de arte contemporánea que nas súas tres edicións anteriores se denominaba Pura Arte e que aspira a converterse nun "referente" da área atlántica da Península Ibérica, como asegurou onte o conselleiro de Cultura e Turismo, Roberto Varela. Tras a sinatura dun convenio con responsables da empresa Scarpellini Proyectos para a realización conxunta de actividades de promoción de artistas galegos na mostra que se celebrará en Vigo do 14 ao 17 de xaneiro, Varela destacou a necesidade de "apoiar" o ámbito da arte .