Francisco Javier Río Barja foi cualificado en máis dunha ocasión como o mellor coñecedor da paisaxe galega. Licenciado en Filosofía e Letras e Doutor en Xeografía pola Universidade de Madrid, foi catedrático desta disciplina na Escola de Maxisterio de Santiago de Compostela e director do Instituto de Estudios Galegos Padre Sarmiento. Pertenece á Real Academia Galega de Ciencias e ó Consello da Cultura Galega.

Entre as súas numerosas publicacións, foi coordinador e participou activamente nun proxecto Galicia Geografía Editado por Hércules en cinco tomos. Tamén é coautor xunto a Francisco Rodríguez Lestegás, supervisor editorial do Dicionario Xeografico Ilustrado de Galicia, do manual Os ríos galegos.

Ó longo da súa vida, Francisco Javier Río Barja recibiu numerosas distincións e recoñecementos polo seu traballo no campo da xeografía. Destacan entre eles a Medalla Castelao o Premio das Artes e das Letras (2001); Premio Xunta de Galicia á Investigación, o Pedrón de Ouro en 2007. Entre as súas publicacións destacan o Mapa en relevo de Galicia 1.100.000; Bibliografía das xeografías; Cartografía xurisdicional de Galicia no século XVIII; e Galicia, esa descoñecida.

O traballo de campo por Galicia adiante cos máis pequenos foi outra das facetas que Río Barja levou a cabo en boa parte da súa traxectoria. O profesor está convencido de que a xeografía non se aprende nos libros senón percorrendo Galicia "pouco a pouco e facendo mapas. Eran experiencias extraordinarias." afirma.

O novo libro de fotografías 'Boas noites, Vilagarcía' presentarase mañá, sábado

O auditorio de Vilagarcía de Arousa acollerá maña, sábado, ás 20.30 horas o acto de presentación do libro Boas Noites Vilagarcía editado por Teófilo edicions no que se ofrece un orixinal percorrido fotográfico pola fisonomía da vila e que permite descubrir unha nova perspectiva que só pode ofrecer a noite.

Seguindo a estela fixada por outros volumes como a recente edición que percorría o Ourense nocturno, Boas noites Vilagarcía presenta arredor dun cento de instantáneas que se inspiran en luces e en sons nocturnos para convidarnos a viaxar polo rueiro vilagarcián e mergullarnos, a través del, tanto no patrimonio como na propia historia da localidade.

No acto de presentación estará o presidente da Deputación provincial de Pontevedra, Rafael Louzán e o vicepresidente, José Juan Durán e a alcadesa de Vilagarcía, Dolores García e o editor da publicación Jose Luis Teófilo. A editorial destinará parte dos beneficios Proxecto Home no marco da política de responsabilidade social corporativa.