O operador R, preferido polos usuarios galegos

Nos concellos galegos onde se despregou a rede de fibra óptica de R, o operador galego resultou ser a elección preferida tanto para os clientes particulares como para as empresas. Así o demostran dous estudos recentes realizados este ano por GfK sobre o mercado das telecomunicacións en Galicia no contorno de crise actual, tanto no ámbito residencial coma no da empresa, que revelan o aumento da predilección por R en ambos os sectores.

Segundo o primeiro, R é líder en satisfacción, intención de permanencia e recomendación dos usuarios, tanto en telefonía como, internet, televisión e móbil. O operador galego é líder en telefonía fixa, cun índice do 60,3%, superando incluso a Telefónica, o principal competidor.

En telefonía móbil, servizo que R lanzou a comezos do 2008, o operador galego triplica a súa presenza nos fogares e empresas en zonas de cobertura e alcanza o 6,7% fronte ao significativo descenso de Orange e Yoigo. Entre os seus clientes, R logrou en pouco tempo ocupar o terceiro posto como provedor de móbil, cun 14,8%. Dende o ano pasado, R é, de feito, o primeiro de Europa que ofrece chamadas gratuítas a todos os móbiles de calquera operador dende o teléfono fixo.

Na empresa

Por outra banda, o último estudo de GfK sobre as telecomunicacións no eido da empresa en Galicia neste contorno de crise tamén ratifica a R como operador preferido neste mercado nas zonas onde dispón de rede de fibra óptica. Os datos revelan que as empresas galegas clientes de R aforran unha media dun 15% fronte ás compañías que optan por outro tipo de contratación paquetizada.