Preséntase na Coruña o libro 'Miro Casabella e a Nova Canción Galega'

Hoxe, ás 20.00 horas, na Biblioteca de Estudos Locais, na rúa Durán Loriga da Coruña, presentarase o libro de Xan Fraga, editado por Galaxia, Miro Casabella e a Nova Canción Galega. Publicado na colección Reportaxe, o volume é un percorrido polas imaxes, a música e a historia da Nova Canción Galega a través da vida e da obra dun dos seus compositores e intérpretes máis sobranceiros, o músico Miro Casabella, que hoxe estarán na presentación acompañando o autor, como tamén o farán os editores Víctor F. Freixanes e Carlos Lema e a concelleira de Cultura coruñesa, María Xosé Bravo.

O historiador Xan Fraga reconstrúe o contexto no que, en plena ditadura franquista, xermolou ese movemento musical. As imaxes e a crónica da traxectoria do autor de O meu país e dos seus compañeiros de andaina musical. O libro, en formato grande e impreso a toda cor, inclúe un CD cunha escolma das cancións de Miro Casabella. O libro inclúe rexistros discográficos e importantes documentos históricos da época.