O Centro Tecnolóxico da Carne inicia o curso

O Centro Tecnolóxico da Carne (CTC) convoca para este exercicio media ducia de cursos de formación profesional ocupacional co obxectivo de contribuír á profesionalización dos traballadores do sector alimentario, a quen se lles garantirán coñecementos mínimos en materia de manipulación e control.

De igual modo, estas actividades fomentarán o uso da tecnoloxía adecuada, o coñecemento básico das normativas vixentes e a atención ó impacto ambiental que implican os procesos de fabricación de alimentos.

A actividade do CTC comezará o 29 de maio co arrinque do curso de Técnico de Control da Calidade Alimentaria.