Galicia Hoxe Radio Obradoiro CorreoTV Terras de Santiago Anova multiconsulting
Google

Martes 01.07.2008 Hemeroteca web  |  RSS   RSS

Noticia 10 de 23 noticia anterior de Gente y comunicación Gente y comunicación | sociedad@elcorreogallego.es

pensamento

A 'Outra Galiza' de Suso de Toro

O escritor aborda nunha compilación de artigos, publicada por Xerais, a historia galega dos últimos cinco anos // Recoñece que o Bipartito trouxo canda si "unha sensación de liberdade, pero tamén de insatisfacción"

AGN • SANTIAGO
A- A+

Interpretar a historia galega dos últimos cinco anos é o sentir co que naceu Outra Galiza, a última obra do escritor Suso de Toro que se presentou este luns en Compostela. En palabras do propio autor, o libro "inmobiliza" as reflexións xurdidas a raíz do cambio de Goberno do 2005, e que o escritor foi plasmando en artigos publicados no diario El País dende o ano 2006. Nesta liña, Suso de Toro mostrouse tallante ao sinalar que "o principal cambio foi apartar un poder político que semellaba perpetuo, un destino". A chegada á Xunta de PSdeG e BNG trouxo da man "unha sensación de liberdade, pero tamén de insatisfacción" no cidadán de a pé. A xuízo do escritor compostelán, a Administración galega gañou en transparencia, pero mantén "políticas clientelistas moi semellantes ás do PP", un panorama que se torna "insuficiente" dende o punto de vista democrático.

Pero Outra Galiza vai máis atrás no tempo e recolle tamén o "desexo daquel cambio, o combate ideolóxico contra a Galiza de Fraga". E faino a través de colaboracións publicadas no xornal A Nosa Terra entre os anos 2003 e 2004, traballos escritos "coa convicción de que as palabras poden cambiar o estado das cousas". Así se referiu Manuel Bragado, director de Edicións Xerais, á obra de Suso de Toro. Durante a presentación, Bragado repasou a traxectoria literaria do pai de obras tan coñecidas coma Land Rover -da que se cumpren 20 anos da súa primeira edición-, Trece badaladas ou a recente Home sen nome, publicada na primavera do 2006 até chegar a esta última obra marcada por ­"unha clara intención cívica".

'UN MANIFESTO SEPARATISTA'

"Isto é Galicia, pero eu son de Galiza", sinala

Suso de Toro fixo fincapé nunha segunda intención que emana do seu libro. Pretende "criticar a actitude dos rexeneracionistas, que se complacen na idea que de Galiza é unha vítima histórica". Nesta liña, referiuse a un galeguismo conservador que vindicaba para o país costumes e tradicións propias. "Isto é Galicia, pero eu son de Galiza, fíxenme galeguista co pensamento de Castelao". A xuízo do escritor, 'Galiza' é sinónimo de pensamento político e de sociedade, e contraponse á idea dun territorio "politicamente vencido".

Afeito a colleitar polémica coa defensa das súas opinións, Suso de Toro referiuse ao Manifiesto por la lengua común, promovido por unha vintena de intelectuais en defensa do castelán e que foi presentado o pasado 23 de xuño en Madrid. Esta iniciativa, que pretende ­unha modificación dos estatutos, é para o escritor galego "un manifesto separatista que pretende que esta España plural deixe de ser nosa". Auspiciado polo partido Unión, Progreso y Democracia e polo filósofo Fernando Savater, o texto fala de "discriminación dos castelanfalantes". Sobre esta idea, vencellada á posibilidade de usar a lingua para facer política, Suso de Toro mostrouse tallante. Asegurou o escritor galego que con el a formación de Rosa Díez "recolle a bandeira da dereita extrema enarborada ata agora polo PP", e tildou o manifesto de "españolismo xenófobo" .

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.elcorreogallego.es no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Grupo Correo Gallego
Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad
Auditoría Audiencia Sites
Titulares RSS