A luz do fotógrafo Vinayak Das, na revista das artes 'O Ollo Público'

O número 20 de O Ollo Público, a revista das artes, xa está na rúa. Cunha fotografía de Vinayak Das na portada, adiántase o artigo de Marta Méndez Rebolo -licenciada en Historia da Arte pola Universidade de Santiago e La Sapienza, de Roma-, titulado O fotógrafo da luz.

Trátase da primeira vez que o fotógrafo indio lle dá o seu permiso a unha publicación española para publicar algúns dos seus traballos.

O cualificativo que lle pon Marta Méndez non é gratuíto, xa que o profesional -de 34 anos- fai un impresionante manexo da luz e, a súa temática, que non deixa indiferente a ninguén, compoñen unha permanente invitación á emoción do espectador.

Cabe mencionar o traballo de Misericòrdia Anglès Cervelló, profesora do Departamento de Filosofía Teorética e Práctica da Universitat de Barcelona, titulado ¿Es el criterio de Balmes un libro de autoayuda?, onde se analiza o pensamento do filósofo nado en Vic (1810-1848).

Ademáis, José Ángel Vilas, profesor de Historia da Música no Conservatorio Profesional de Música de Vigo, con sus Exercicios de estilo, brinda, con poucos trazos, unha valiosa axuda para aprender a amar a música.

Pola súa parte, o director da revista, Fernando Vilaboa Martínez, segue a traballar na campaña de fomento da lectura. Á mesma poden sumarse todos os colectivos interesados en promover a lectura. Para máis datos, a páxina web www.ollopublico.es.