'O Pentafol' recompila máis de 400 pezas antigas para gaita galega e inclúe un DVD con 478 arquivos de audio

A editorial Inquedanzas acaba de presentar a obra titulada O Pentafol, na que se recompilan máis de 400 pezas antigas para gaita galega, e que tamén inclúe un DVD con 478 arquivos de audio en formato mp3. O autor do libro é Alberte Sanmartín, e ten como obxectivo "preservar a música popular transmitida por medio da gaita galega". Na obra pódese atopar un amplo repertorio dirixido a solistas e a grupos, así como composicións de autor "cunha maior raizame entre os fatos tradicionais máis senlleiros" .