Mostra en A Coruña sobre a recuperación histórica libertaria

Dentro das xornadas pola recuperación histórica libertaria, quedou inaugurada na nova sala da Fundación Rodríguez Iglesias de A Coruña unha mostra de 26 paneis que amosan dende os antecedentes éticos e filosóficos do anarquismo, ata o plantexamento do debate pendente sobre a Revolución.

E a eles engadese en A Coruña outro coa relación das persoas que foron asesinadas nos momentos da guerra civil e inmediatamente posteriores, sen asegurar que estean todos "porque tivemos dificultades para completar unha lista absoluta, xa que faltan herdeiros o compañeiros que podan dar referencias totais", segundo os organizadores da exposición.

De xeito cronológico presenta dende a Primeira Internacional ás organizacións que, como a Cofederación Anarquista Ibérica, as Xuventudes Libertarias e Mulleres libres, conforman o Movemento Libertario.

Dende o Naturalismo a a Cultura Ácrata e maila a súa Filosofía, a Pedagoxía Libertaria e os Ateneos, ata o proceso producido o 19 de xullo, cando o pobo en armas frea o golpe fascista en boa parte do país e o proletariado entra en escena, aparece representado todo nesta mostra ata a perda da guerra.