A Policía Nacional interceptou un barco mercante cargado cunha importante cantidade de cocaína a 50 millas da costa de Cádiz nunha operación na que tamén detivo a 31 persoas pertencentes a unha organización internacional fincada en España.
 Segundo informou o Ministerio do Interior a través dun comunicado, a substancia estupefaciente fora cargada en Sudamérica e o seu destino era a costa galega, desde onde se transportaría ata Madrid.
 Os GEOS abordaron o buque mercante en mar aberto antes de que a droga fose entregada ó navío controlado desde Galicia. Entre os arrestados durante a operación figura o grupo colombiano e galego encargado do transporte e venda da mercancía, así como os transportistas búlgaros
 O Director Xeral da Policía, acompañado dos responsables da operación, encargarase de ofrecer máis detalles sobre o operativo hoxe ás 12:00 horas no Peirao de Poñente de Cádiz, onde se mostrará o barco e o alixo incautado.