Los dos ganadores de una entrada individual para este concierto son: Juan José Ferreiros Devesa y David Riola Pose

 

Mark Knopfler, o que fora líder dos Dire Straits, estará no Multiusos Fontes do Sar (Santiago de Compostela) o 28 de xullo, co patrocinio de Fundación Caixa Galicia e Xacobeo Galicia 2010, para presentar o seu último traballo “Get Lucky”. O concerto enmárcase dentro da xira que o artista desenvolverá durante os meses de maio, xuño e xullo deste ano, con sesenta concertos en máis de vinte países europeos. As entradas para ver a actuación de Santiago están á venda a un prezo de 48 € (máis gastos de distribución)na web de Caixa Galicia (www.caixagalicia.es), en El Corte Inglés (902 400 222; www.elcorteingles.es; centro comercial El Corte Inglés) e Ticketmaster (902 150 025; www.ticketmaster.es; puntos habituais).
Mark Knopfler regresa a España trala súa última visita o pasado 2008 (onde esgotou entradas en Madrid e Granada), cando presentou “Kill to Get Crimson”. Esta vez, Knopfler amosaranos o seu novo traballo, “Get Lucky” (Universal), un disco gravado nos premiados Estudios British Grove no “West London” e co-producido polos seus asiduos acompañantes Chuck Ainlay e Guy Fletcher. As once cancións do álbum son unha exploración das raíces musicais de toda unha vida, abordadas cunha extraordinaria combinación do folk e o blues coa súa orixinal forma de composición, con ingredientes británicos personalizados e unhas letras froito da observación máis vívida.

Agora, Knopfler e a súa banda prepáranse para saír de tour neste 2010. Nas súas palabras, “é como ser o

capitán dun pequeno navío de guerra, a verdade, desfruto da sensación de equipo que se sente nas xiras, gústame estar coa miña banda”. Amais dos novos temas, Knopfler tamén interpretará algunhas das cancións que forman parte da banda musical das nosas vidas. “As cancións de Dire Straits son coma sinais nas vidas da xente. Por suposto as interpretarei de xeito diferente aquí e alá para mantelas vivas e con sentido para min. Pero hai partes, como a “retorcida” do final de ‘Sultans,’ que se non as toco exactamente igual parece que estou profanando algo máxico para o público, así que conservarei ese riff. Gústame tocar temas de Dire Straits, compúxeos e á xente lle gusta escoitalos.”

Gañador de varios Grammy ao fronte de Dire Straits, vendeu millóns de discos en todo o mundo, colleitou éxitos con temas como "Money Is For Nothing", "Sultans of Swing" ou "Romeo and Juliet", e foi capaz de crear un sonido único que marcou unha parte da historia da música.


Más conciertos en España

Pavelló Olímpic, Badalona
Viernes, 23 de Julio del 2010 22:00 h.
 
Plaza de Toros, Córdoba
Domingo, 25 de Julio del 2010 22:30 h.
 
Plaza de Toros Las Ventas, Madrid
Jueves, 29 de Julio del 2010 21:30 h.
 
Plaza de Toros Vista Alegre, Bilbao
Viernes, 30 de Julio del 2010 22:00 h.