Inicio
Mañá, sábado 23 de agosto, ás 22.30 horas, a Praza Regueiro da Illa de Arousa, acollerá o concerto gratuíto do grupo de folk ‘Faltriqueira’. Este recital enmárcase nun ciclo de ciclo de concertos que a formación galega ofrecerá nas cidades de Baiona, Sanxenxo, a Illa de Arousa, Mondariz, Marín, Porriño e Caldas de Reis, na provincia de Pontevedra.
Despois do concerto da Illa de Arousa, a xira continuará o día 29 de agosto no Parque do Espiñeiro en Portonovo. No mes de setembro, o día 6, ofrecerán un concerto no Parque do Cristo en Porriño e o 27 estarán no Paseo Blanco Solla, en Marín.
A xira pontevedresa de Faltriqueira continuará en outubro, o día 11, no Auditorio do Centro Social de Mondariz e finalizará o 7 de novembro na Praza das Palmeiras en Caldas de Reis.
O grupo Faltriqueira, formado por catro cantareiras de Pontedeume, encarna a corrente máis fresca do panorama xurdido das fontes da música tradicional.
Fusionando a polifonía coas percusións e os instrumentos acústicos, Faltriqueira son un proxecto vogal que foxe da ríxida tradición e dota de nova vida a cancións recollidas en diversas latitudes.
