Apsicoloxía do ser humano fai que sexa difícil para nós aceptar os cambios ou as novidades como algo positivo.

Ata que non pasa una tempada, proporcional á magnitude do invento, ou da nova situación, non a valoramos de xeito obxectivo: o novo é incómodo.

E moto máis cando se trata de baleirar o peto. Así as cousas, vexo difícil que aceptemos con tranquilidade o anuncio da posibilidade de que as empresas de telefonía móbil cobren aos usuarios por recibir chamadas.

Xúntanse nunha mesma frase unha serie de conceptos incompatibles: anuncio, novidade e cobrar. Ai! Queima!

Pero positivemos: o telemarketing chegará ao seu fin, nin os máis educados que xamais lle colgaron a aqueles que venden seguros de vida por teléfono, se atreverán desta volta a contestar.

Xa saberemos que facer cos fixos que temos na casa: reciclalos e usalos. Os custos por facer unha chamada, baixarán (digo eu!!).

E melloraremos a nosa redacción porque teremos que comunicarnos vía mail. Son ou non todo vantaxes?