Na pasada Conferencia sobre Seguridade Alimentaria da FAO celebrada en Roma, Lula afirmou que "a fame é a arma de destrucción masiva máis terrible do planeta. En verdade non mata a soldados, mata a criaturas inocentes que morren antes de cumprir o seu primeiro ano de idade".

Segundo o presidente brasileiro, "con menos da mitade dos cartos investidos para superar a crise económica mundial, para salvar aos bancos fallidos, sería posible erradicar a fame en todo o mundo".

Para Lula a loita contra a fame está "practicamente á marxe da acción colectiva dos Gobernos", a pesar de que no mundo se producen suficientes alimentos

A diagnose de Lula non pode ser máis certera. De feito, as preocupacións dos Gobernos son a dominación política e económica, o petróleo e manterse no poder.

¿Qué pasaría se as nacións máis poderosas dedicaran os recursos necesarios para acabar coa fame, aínda que fora a costa de ter algunha autoestrada menos ou menos obras de arte nos seus museos?: que centos de miles de familias non verían morrer os seus fillos. Pero como di Lula, esta non é a súa guerra. Necesitamos novos líderes.