O repartimento de mortes despois do quinto día consecutivo de bombardeo israelí sobre Gaza, non pode ser máis desigual: 380 mortos e 1.700 feridos palestinos, fronte catro mortos israelís.

Xunto aos terroristas de Hamas, saltan polo aire as casas colindantes, carros tirados por mulas con familias enteiras e nenos de dez anos que sacan o lixo. As mortes de civís non importan. Para o primeiro ministro israelí, Olmert, "estamos só na primeira das diversas fases dunha operación que non rematará ata que non lancen máis misíles". E anuncia unha invasión terrestre, aínda máis sanguinaria. Segundo a ministra de Exteriores israelí, Livin, "esta é unha operación contra Hamas, que é o inimigo de Israel e tamén dos palestinos".

Israel leva tempo impedindo a subministración en Gaza de electricidade, de alimentos e de anestesia para os hospitais. E hai catro días impediu arribar a porto o barco Dignidade con axuda sanitaria.

Os atentados suicidas de Hamas en buses e mercados hai que paralos. Pero facelo exterminando a poboación civil, como o fai Israel, é un xenocidio que hai que deter antes que desapareza un pobo enteiro.