Galicia Hoxe Radio Obradoiro CorreoTV Terras de Santiago Anova multiconsulting
Google

Sábado 01.11.2014  | Actualizado 13.22 Hemeroteca web  |  RSS   RSS

Noticia 1 de 1 Portada  |   RSS - Portada RSS

A FESTA PAGÁ // o último alento

Máis alá da tradición

Milleiros de persoas acudiron onte a presenciar na Estrada o Encontro de Xenerais e Correos, un dos actos máis espectaculares do entroido galego

MARÉ . SANTIAGO   | 17.02.2010 
A- A+

Milleiros de persoas encheron onte as rúas da Estrada no día grande do Entroido, que veñen protagonizando dende hai anos os veciños do rural, co tradicional Encontro de Xenerais e Correos, como plato forte. Máis dunha ducia de xinetes de Santeles encabezaron o percorrido de comparsas, esmorgas, carrozas e coros, que desfilaron ata a praza da Feira, o novo escenario desta emblemática tradición.

A gripe A, persoeiros do mundo rosa coma Julián Muñoz e Pantoja, a carroza do Trilingüismo ou referencias á actualidade local (como o polémico PXOM), encheron de cor e humor as rúas da vila, cun desfile no que participaron veciños de nove parroquias. Antes do agardado combate dialéctico, non faltaron os pícaros cánticos dos coros, regueifas, o discurso dos mouros, a fallida voda da Pantoja, e ata unha beizón apostólica.

O conflito do idioma, a chegada da autovía, ou as trifulcas políticas do momento foron protagonistas das coplas, no asalto do exército de Santeles, que se estreaba levando a tradición do entroido do Ulla á capital do concello estradense, un dos destacamentos onde o rito dos centinelas, xenerais e correos, cos seus "vivas" e as arengas retranqueiras é un dos principais reclamos.

No denominado Triángulo Máxico do entroido, na provincia de Ourense, o gran desfile da xornada tivo lugar en Xinzo de Limia, onde arredor de dez mil persoas se reuniron para asistir á última parada dun ciclo que hoxe conclúe coa Queima da sardiña. Outro gran desfile de comparsas tivo lugar en Verín, con concentración de carrozas, comparsas, máscaras e cigarróns, as figuras típicas do entroido verinés.

O entroido máis tradicional de Costa da Morte volveu alagar de maxia e moita retranca a vila de Fisterra, onde cinco comparsas, con coloridos e imaxinativos traxes de gala, deron un bo repaso á actualidade política, social e económica do municipio, con acedas e irónicas coplas, nas que non faltou a reivindicación do fin do Camiño ou o conflito lingüístico do Borrador do galego.

PERSPECTIVAS

Apoteose compostelá

Máis 1.200 persoas participaron no desfile que onte percorreu as rúas de Compostela nunha espectacular comitiva. No desfile participaron comparsas e carrozas de diversos concellos de Galicia como Muros, Sanxenxo, Negreira, Visantoña (Santiso), Pontecesures, ademais das tradicionais comparsas de varios barrios da cidade: A Ruliña de Laraño, Os Conformistas de Conxo e Os Garanduxos. Estas tres comparsas recibiron a semana pasada unha distinción por parte da Concellaría de Festas pola súa colaboración activa e continuada no Entroido compostelán desde hai máis de 20 anos. Tamén participou unha agrupación do centro sociocultural Carlos Maside de Santiago, cun espectáculo titulado Conto de fantasía.

 

Escribe tu comentario

Para escribir tus comentarios en las noticias, necesitas ser usuario registrado. Si no lo eres regístrate ahora

1000 Caracteres disponibles

www.elcorreogallego.es no se hace responsable de las opiniones de los lectores y eliminará los comentarios considerados ofensivos o que vulneren la legalidad.

Grupo Correo Gallego
Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad
. Política de Cookies
Auditoría Audiencia Sites
Titulares RSS