Noticia 1 de 1 Santiago | santiago@elcorreogallego.es  |   RSS - Santiago RSS

O Compostela Organum Festival empeza con Tomás Luis de Victoria

REDACCIÓN.   | 24.08.2011 
A- A+

R. Escuredo
A igrexa das Ánimas acolleu onte o inicio do Compostela Organum
FOTO: R. Escuredo

Santiago. O Ciclo de verán do Compostela Organum Festival organizado polo Consorcio da Cidade de Santiago comezou onte a súa semana de concertos, na igrexa das Ánimas, coa interpretación de Festum omnium sanctórum de Tomas Luis de Victoria, a cargo do organista Vicent Bru e o grupo canario Calpul Múrice. Os compoñenentes do grupo formado polo contratenor Gabriel Díaz, os tenores Luis Sampedro e Conrado Álvarez, e Cristo Delgado ao sacabuche, Julio Chinea ao bassus e Hugo Rodríguez tocando o baixón, acompañaron ao organista Vicent Bru neste concerto. O seu repertorio estivo centrado nas obras de Tomás Luis de Victoria, erudito da historia musical no Renacemento español, ademais de estar catalogado como o primeiro compositor do barroco que escribiu polifonía da época. Calpul Múrice e Bru tamén interpretaron a Antonio de Cabezón, José Jiménez e Sebastián Aguilera de Heredia. Hoxe, á mesma hora terá lugar o segundo concerto a cargo do clavecinista Ignasi Jorda, que interpretará obras de Victoria, Monteverdi e Bach, entre outros. redacción.