Noticia 1 de 1 Santiago | santiago@elcorreogallego.es  |   RSS - Santiago RSS

O Museo Casa da Troia reabre hoxe e poderá visitarse todo o verán

Ven de estrear a web www.lacasadelatroya.org, pola que se fai un percorrido histórico

REDACCIÓN.   | 14.07.2011 
A- A+

Gallego
FACHADA da Casa da Troia
FOTO: Gallego

Santiago. O Museo Casa da Troia abrirá de novo as súas portas ao público hoxe xoves. O recinto, que poderá visitarse durante todo o verán, polas mañás en ho-rario de 11.00 a 14.00 horas e polas tardes de 16.00 a 20.00 horas, estará pechado como é habitual, os domingos pola tarde e os luns durante todo o día.

O museo está xestionado pola Asociación de Antigos Tunos Composteláns, que ao longo deste verán ofrecerá visitas dramatizadas á vella pensión de estudantes do século XIX que inmortalizou Alejandro Pérez Lugín na súa novela La Casa de la Troya. Nela aloxábase o personaxe principal, Gerardo Roquer, e os seus compañeiros de estudios.

Por outra banda, o Museo Casa da Troia acaba de estrear a web, www.lacasadelatroya.org, a través da cal se pode facer un percorrido pola historia da casa, dende a antiga hospedaría de universitarios ata o museo actual. Tamén hai un espazo dedicado á novela e ás películas que se realizaron a partir da mesma. E recóllense as actividades programadas no marco deste museo.