Elixidos xa os finalistas dos Premios da Edición, que se entregarán o día 9

O xurado formado polo crítico Xosé Manuel Eyré, a libreira Isabel Ares, a xornalista Montse Dopico, o editor Juan Blanco Valdés, e a bibliotecaria Mary Luz Corral, dará a coñecer os gañadores dos Premios da Edición nunha gala no hotel A Quinta da Auga o día 9 de marzo.

No premio Ánxel Casal ao libro de ficción optan Non hai noite tan longa (Xerais), Deus xogando aos dados (Sotelo Blanco), Extramunde (Xerais) e Centauros do deserto (Rodeira Edebé).

No premio Ánxel Casal ao libro de poesía, Poesía completa de Lois Pereiro (Xerais), Bretemada 1917-1922 (Alvarellos Editora), Un mundo de mulleres (Biblos) e O mariñeiro con cabalos matutinos baixo o vestido (Edicións Barbantesa).