Galicia Hoxe Radio Obradoiro CorreoTV Anova multiconsulting
Google

Viernes 27.05.2016  | Actualizado 19:17 Hemeroteca web  |  RSS   RSS

Noticia 1 de 1 Tendencias | tendencias@elcorreogallego.es  |   RSS - Tendencias RSS
  • Imprimir
  • Enviar por correo

Gala e Julio Llamazares, estrelas do LITVI no Gaiás

O LITVI 2011 ábrese á gastronomía e á fotografía e perde peso literario // O II Encontro de Literatura de Viaxes principia o martes 14 en Santiago

LITVI 2011 Ana Trevisani, Francisco López e Miguel Fernández Cid, na Fundación Torrente Ballester.  - FOTO: Fernando Blanco
LITVI 2011 Ana Trevisani, Francisco López e Miguel Fernández Cid, na Fundación Torrente Ballester. - FOTO: Fernando Blanco

FRAN P. LORENZO. SANTIAGO  | 08.06.2011 
A- A+

Volve o LITVI a Santiago, unha segunda edición do Encontro de Literatura de Viaxes menos ambiciosa literariamente (vinte e tres foran os ponentes na edición anterior) pero que, a cambio, amplía as súas propostas a áreas como a fotografía e a gastronomía. Con dous autores sobranceiros, Antonio Gala, que ditará a ponencia inaugural o día 14 no Gaiás, e Julio Llamazares, o LITVI 2011 –que desta vez non inclúe autores en lingua galega na súa nómina de participantes–, presentouse onte na Fundación Torrente Ballester.

A Fundación Torrente Ballester será o lugar que acolla varias das actividades dun certame inscrito na programación cultural que conmemora o 800 aniversario da consagración da Catedral de Santiago. Así o lembraba onte a directora do LITVI 2011, Ana Trevisani, quen debullou diante da prensa –acompañada polo director xerente da Fundación GTB, Miguel Fernández Cid, e polo director xeral do Libro, Francisco López– as liñas temáticas deste congreso.

A primeira delas, un ciclo sobre as catedrais como fonte de inspiración no que participarán Julio Llamazares (cunha conferencia), José Luis Corral Lafuente e Toti Martínez de Lecea (nun diálogo e nun café cos leitores) e Carmen Becerra (cun relatorio sobre a catedral de Santiago na obra de Torrente). O presentador de televisión e xornalista José María Íñigo e o escritor e director de Ámbito Cultural de El Corte Inglés, Ramón Pernas, completan a aposta literaria do LITVI.

A Catedral de Santiago será ademais protagonista destacada dunha maratón fotográfica que baixo título Que ve a Catedral? quere colleitar imaxes e visións da propia catedral, "pornos en distintos ángulos dos muros da Catedral e seguir a súa hipotética mirada".

Entre as novidades desta segunda edición do LITVI –que conta co patrocinio do Consorcio, do Concello de Santiago, da Fundación Cidade da Cultura e da Consellería de Cultura e Turismo– figura ademais o festival Olladas viaxeiras, que comisaría o fotógrafo Xurxo Lobato. Trátase de proxeccións audiovisuais que chegarán ao público nas noites do venres 17 (coa serie O Camiño das Catedrais) e o sábado 18 de xuño, coa exhibición do conxunto As mellores fotos de viaxes do National Geographic. O segundo pase, os dous terán lugar na praza da Quintana, contará coa presenza da editora de National Geographic España, Eva van der Berg.

Na vontade de estender a proposta do LITVI a públicos e espazos diversos, convocarase, ao abeiro deste congreso, un Laboratorio de Creación Literaria, dedicado á literatura de viaxes, e que impartirá a a actriz e contacontos Soledad Felloza. Para pechar o capítulo de novidades deste foro viaxeiro en Compostela, anunciouse onte a celebración do ciclo A volta ao mundo en 80 sabores, grazas ao que se chegarán a Santiago as cociñas e os cócteles dos máis diversos lugares do mundo. Diferentes restaurantes e locais nocturnos da cidade participan nesta extensión gastronómica do LITVI, que ofertará menús e receitas inspiradas na cociña de México, Canadá, Francia, Oriente Próximo e Escandinavia.


 

Un ‘libro viaxeiro’

••• Aínda que a vontade dos organizadores deste evento é recuperar a celebración da Feira do Libro, que na edición anterior acolleu unha carpa na Alameda, desta vez serán as librarías Aenea, Pedreira e Abraxas quen amosen as novidades e edicións ‘viaxeiras’ no espazo da Fundación Gonzalo Torrente Ballester, durante a celebración do Encontro.

••• O xogo ‘Libro Viaxeiro’ é outra das novidades de LITVI 2011. En distintos recunchos da cidade agóchanse, desde a semana pasada, distintos libros que agardan por un lector. No enderezo de Facebook do LITVI atópanse a diario pistas para atopalos, fomentando a divulgación de experiencias.

••• A inscrición na maratón fotografíca, nos obradoiros literarios ou nos cafés cos autores pódese facer efectiva na páxina web do LITVI, www.litvi.es, onde tamén fican a programación e os horarios.

Grupo Correo Gallego
Ante cualquier duda, problema o comentario
en las páginas de El Correo Gallego envíe un
e-mail a info@elcorreogallego.es. Titularidad
y política de privacidad
. Política de Cookies
Auditoría Audiencia Sites
Titulares RSS