Premio Rosalía de Castro da deputación á web Blogaliza.org pola súa promoción do galego

A Coruña. A primeira edición do Premio Rosalía de Castro da Lingua, que convoca a Deputación Provincial da Coruña, recaeu na web Blogaliza.org pola súa promoción do idioma galego, segundo informaron onte, en rolda de prensa, os membros do xurado e o presidente do organismo provincial coruñés, Salvador Fernández Moreda.

Segundo explicou Moreda, o obxectivo do premio é "manter viva" a memoria de Rosalía de Castro e, ao mesmo tempo, premiar o labor dos que fan unha promoción do galego "e contribúen á galeguización dos sectores", engadiu. Das 23 propostas presentadas, o xurado decidiu premiar Blogaliza.org, creada en 2003 por Pedro Silva.