El Correo Gallego

Noticia 1 de 1 Tendencias | tendencias@elcorreogallego.es  |   RSS - Tendencias RSS

Éxito de Estalmat-Galicia

Un grupo de alumnos galegos gañan unha ‘carreira matemática’ de ámbito estatal

Son cinco estudantes de Burela, Vilanova de Arousa, Boiro, Pontevedra e Ordes

Os alumnos galegos resolveron todos os problemas encadeados no menor tempo - FOTO: USC
Os alumnos galegos resolveron todos os problemas encadeados no menor tempo - FOTO: USC

SANTIAGO  | 15.12.2014 
A- A+

Antón Mazaira (Burela), Adrián Núñez (Vilanova de Arousa), María Ramallo (Boiro), Hugo Silvanes (Pontevedra) e Pablo Stutt (Ordes) foron este sábado pasado os máis rápidos de toda España resolvendo problemas matemáticos no certame ‘Matemáticas ao esprint’ que organiza o Programa de Estimulo do Talento Matemático (ESTALMAT).
 
Dos 53 equipos que participaron no certame, o composto aleatoriamente por eses cinco estudantes galegos de 12 e 13 anos –o grupo dos máis novos que empezaron hai poucos meses neste programa de estímulo do talento matemático que preside en Galicia o reitor Juan Viaño– resolveu todos os problemas encadeados no menor tempo.
 
Na actividade, que se desenvolveu en paralelo en toda España, o equipo gañador competiu con outros grupos de primeiro ano de ESTALMAT de Andalucía, Madrid, Cantabria, Comunidade Valenciana, Cataluña, Castela A Mancha e Canarias. Do segundo curso de ESTALMAT interviron 45 equipos en total e tamén a actuación galega foi notable, quedando os grupos na metade superior da táboa.

Os profesores responsables de ‘Matemáticas ao Esprint’ en ESTALMAT-Galicia son Jesús Calvo, do IES Xoán Montes de Lugo; Victor Pollán, do IES Poeta Díaz Castro de Guitiriz); Enrique de la Torre, da Universidade da Coruña; e Elena Vázquez Cendón, da USC e coordinadora xeral de ESTALMAT-Galicia.