Emilio Pérez Touriño renuncia ó seu escano de deputado no Parlamento de Galicia
10.03.2010
O ex presidente da Xunta Emilio Pérez Touriño presentou hoxe a renuncia ó seu escano de deputado no Parlamento de Galicia polo PSdeG, segundo confirmaron fontes parlamentarias.
A súa dimisión como parlamentario fíxose efectiva na segunda xornada da sesión plenaria desta semana, tras a intervención do secretario xeral do PSdeG, Manuel Vázquez, na quenda de preguntas ó presidente da Xunta.
Deste xeito, a súa renuncia coincide practicamente co aniversario das eleccións do 1 de marzo de 2009 que devolveron ó PP ó Goberno galego e que levaron a Touriño a abandonar, ó día seguinte, o liderado do PSDEG.
RSS
