Un home faleceu este mediodía ó caerlle encima unha árbore que estaba cortando no municipio lucense de Vilalba. Segundo informou o 112, o suceso ocorreu no lugar de Abadín, sobre as 13.27 horas.
O traballador estaba tallando a árbore cando este se lle caeu encima, provocando o seu falecemento no acto. A pesar de desprazarse ó momento, os efectivos sanitarios do 061 non puideron facer nada por salvarlle a vida. Con todo, no mesmo accidente laboral tiveron que asistir a un octoxenario que sufriu lesións leves e foi trasladado ó Hospital Xeral de Lugo.
O servizo de urxencias tamén desprazou ó lugar efectivos do Grumir da localidade e a axentes da Garda Civil. O cadáver permaneceu no punto á espera de que o forense procedese ó seu levantamento.
RSS
