A Asociación Cultural Monte Branco converterá, un ano máis, ó Couto (Ponteceso) na capital das letras galegas. O seu programa Festiletras 2010 reunirá durante nove días nas terras de Eduardo Pondal música, teatro, obradoiros, rondas poéticas, roteiros literarios, humor e a XXVIII Feira da Artesanía. A actriz Isabel Blanco foi a pregoeira o pasado venres, e polo Couto pasarán este ano, entre outros persoeiros, o polifacético Xurxo Souto, o cociñeiro Benigno Campos, as televisivas Cantareiras de Ardebullo e a gaiteira Susana Seivane.