VII edición do Fisterra Blues Experience

A fin de semana de final de xuño e comezos de xullo celébrase a 7ª edición do Fisterra Blues Experience, cun cartel de recoñecidos nomes do blues, xunto a outros xéneros musicais, e un amplo abano de actividades que transformarán distintos espazos da localidade ao longo da fin de semana.

Entre as primeiras confirmacións, a do compostelán residente en Berlín, Marcos Coll, que presenta o seu novo proxecto Nómade en colaboración co guitarrista alemán Stef Rosen, o trío gaditano La Perra Blanco, o mestre da guitarra slide, o estadounidense Luke Winslow-King, o bluesman de Santiago Adrián Costa, a banda Mollo Mantra e o mellor soul de toda Francia da man de Alexis Evans. Roteiros, talleres, xogos tradicionais, futbolín, espectáculos de humor e poesía, DJs e un Mercado de Artesanía e Deseño completan a programación deste 2023. 

Este evento convértese así nunha forma de encontro coa arte, con actividades fronte á Praia Langosteira, en localizacións como a Rúa dá Foliada ou o Parque de San Roque, finalizando no Faro de Fisterra. A oportunidade perfecta para achegar ao público experiencias únicas e inspiradoras, investigando as posibilidades que ofrece o territorio e a natureza do lugar desde unha perspectiva sostible e comunitaria.