El Correo Gallego

Noticia 1 de 1 Área de Compostela  |   RSS - Área de Compostela RSS

Aparcamento adaptado e un ascensor para o polideportivo de O Milladoiro

A.P.   | 01.02.2019 
A- A+

AMES A xunta de goberno local de Ames aprobou a adxudicación das obras de mellora da accesibilidade universal no pavillón polideportivo do Milladoiro. O proxecto ten un custo de 68.500 euros, IVE incluído, e está sufragado a través do Plan Único de Concellos POS+ 2018. Os traballos contemplan a creación dun aparcamento adaptado nos xa existentes, que siga a normativa de dimensións e bandas perfectamente delimitadas e pintadas e acceso á beirarrúa con paso de peóns. Tamén no espazo próximo á entrada onde se atopa o soportal norte do edificio, se propón ubicar un ascensor exterior cunha estrutura envolvente metálica. Xunto a el vaise habilitar un espazo superior para que poidan ubicarse os espectadores en cadeiras de rodas. As obras contemplan tamén a reestruturación dos aseos públicos da planta superior redefinindo os espazos e creando un aseo adaptado por sexo que dispoña de ducha adaptada coas súas barras, asento, sumidoiro, tipo de pavimento apto de maneira integrada e portas adaptadas onde proceda. Por último, vaise adaptar o mostrador de atención en conserxería para persoas con discapacidade.









Galiofer es un portal de ofertas y descuentos en Galicia. Las mejores ofertas en Salud y Belleza, Hogar, Regalos, Restaurantes, Escapadas...