El Correo Gallego

Noticia 1 de 1 Área de Compostela  |   RSS - Área de Compostela RSS

"Outes é un paraíso a tan só 25 minutos de Compostela"

O desenvolvemento económico do Concello é a asignatura pendente que centra ao alcalde

Manuel González López, rexedor de Outes, no plató de Correo TV.  - FOTO: A. Hernández
Manuel González López, rexedor de Outes, no plató de Correo TV. - FOTO: A. Hernández

ALBA PRADA   | 09.12.2019 
A- A+

Manuel González López, alcalde do Concello de Outes dende as eleccións municipais do pasado mes de maio, ten moi claro que os esforzos do goberno local irán dirixidos a proxectar Outes. "É o gran descoñecido da ría de Muros e Noia", explicou o rexedor, pero "é un lugar excelente para visitar e para vivir", todo un "paraíso a tan só 25 minutos de Santiago de Compostela", puntualizou.

Precisamente para facer do municipio un perfecto lugar de residencia, o Concello estase a preocupar por promover a conciliación familiar e así dar facilidades á xente nova. No pleno de novembro "aprobáronse as ordenanzas e regulamentos" que van rexer o servizo de madrugadores, que non existía ata agora. Ademais, vai ampliarse o campamento de verán "que estará aberto todo o período non lectivo" e o mesmo sucederá co punto de atención á infancia, "que pasará a funcionar como unha escola infantil." E é que ata o momento só estaba activo 20 horas á semana, o que era insuficiente para os pais.

Outra das materias nas que Outes está a centrar o seu interese é no mantemento dos paseos marítimos "tanto do Freixo como da zona de Albán e no propio paseo fluvial da Serra de Outes". De feito, engadiu o alcalde, "entre os primeros proxectos que aprobamos", aínda non licitado, "foi a substitución da varanda de madeira, que estaba en mal estado, do paseo marítimo de Ponte Nafonso". O goberno local está facendo fincapé asemade na limpeza dos viais. "Somos conscientes de que temos moito mantemento que facer", indicou.

A área de desenvolvemento local é tamén un dos grandes obxectivos. Acaban de solicitarlle á Xunta de Galicia un axente de desenvolvemento local e agora están pendentes da resolución. "Unha vez que teñamos a esta persoa contratada xunto co orientador laboral poderemos planificar todo o que ten que ver co desenvolvemento económico, que é a gran asignatura pendente", asegurou. Por unha banda, buscan levar a bo portor un programa de apoio a emprendedores para crear emprego, e por outra, apostan por fomentar o turismo e lograr que a vila se coñeza. A parte, tamén están a traballar para modificar o Plan Xeral, posto que non contan con chan industrial. "É unha cuestión a medio prazo, pero o primeiro que temos que facer é establecer chan industrial" para crear emprego, asegurou.

Mellorar a rede de saneamento no sector marisqueiro é outro dos grandes obxectivos "posto qué o sector clave do concello", dixo.

Ver vídeo en: www.correotv.es