Lunes 21.10.2019 Actualizado 00:39
Google    

El Correo Gallego

Noticia 35 de 155 noticia anterior de Noia Área de Compostela » Noia

Portos de Galicia remata as obras de pavimentación no ecoparking noiés

Esta zona conta con oitenta aparcadoiros que se sumarán a outros 150 en Labarta

Durán e Freire, centro, onte no ecoparking - FOTO: C. de Noia
Durán e Freire, centro, onte no ecoparking - FOTO: C. de Noia

E. P.   | 06.07.2019 
A- A+

Noia. O presidente de Portos de Galicia, José Juan Durán, realizou onte unha visita ao renovado vial de acceso ao ecoparking de Noia. O titular do ente autonómico estivo acompañado polo alcalde de Noia, Santiago Freire, e polos concelleiros de Obras, Martín Fernández; de Seguridade Viaria, Julio Bustelo, e de Economía, Laura Salgado.

Esta actuación comprendeu un investimento de preto de 50.000 € por parte da entidade portuaria e supón "unha importante mellora na zona de rodadura do ecoparking, xa que se atopaba moi deteriorada. Ademais, o proxecto tamén garantiu a integración paisaxística desta senda cunha aplicación de formigón en tons verdes", dixo Freire.

Pola súa banda, José Juan Durán lembrou que a reposición do vial forma parte "dunha serie de actuacións para mellorar non só o tráfico senón tamén para ampliar as prazas de aparcamento na zona, e que se atopan planificadas".

A este área, que conta con 80 zonas de estacionamento, "engadiremos outras 150 a través da vindeira intervención que Portos de Galicia realizará na zona de Labarta e que se sumarán ás xa existentes, ofrecendo unha superficie de aparcamento de arredor de 15.000 m2", añadió el regidor noiés, quien avanzó que "contaremos con espazos para 350 vehículos".