El Correo Gallego

Noticia 21 de 41 noticia anterior de Ordes Área de Compostela » Ordes

Presentan 17 ofertas para a estrada Ordes-Carballo

Un dos tramos da estrada AC-413 na que se farán as obras.   - FOTO: C.G.
Un dos tramos da estrada AC-413 na que se farán as obras. - FOTO: C.G.

A.P.   | 28.04.2019 
A- A+

ORDES Foron un total de 17 as empresas que se presentaron para executar as obras de mellora do firme na estrada Ordes-Carballo (AC-413) ao seu paso polos concellos ordense, o de Cerceda e Tordoia, cun investimento de case un millón de euros. Os traballos proxectados levaranse a cabo no tramo da estrada comprendido entre o punto quilométrico 3 e o 16+200, que coincide coa intersección coa AC-400, á

altura do núcleo da Silva, no municipio de Cerceda. As actuacións consistirán no fresado e a reposición do firme naqueles puntos nos que a capa de rodadura presente carencias ou se atope deteriorada. Ademais tamén se van repintar as marcas viarias, disporanse captafaros, renovaranse os sinais e realizarase unha cuneta de seguridade.