Miércoles 16.10.2019 Actualizado 14:24
Google    

El Correo Gallego

Noticia 22 de 60 noticia anterior de Rianxo Área de Compostela » Rianxo

Comuneiros de Rianxo van reclamar polo lume forestal

Arquivada a causa pola vía penal, queren pedir unha compensación a Naturgy e a Elecnor // Din ter documentada a orixe do incendio en base á avería nunha torre de alta tensión

Manuela Alcalde, Rafael Saco, no centro, e Javier Rey, onte en Leiro - FOTO: Suso Souto
Manuela Alcalde, Rafael Saco, no centro, e Javier Rey, onte en Leiro - FOTO: Suso Souto

SUSO SOUTO RIANXO  | 25.07.2019 
A- A+

Despois de que o Xulgado de Instrucción Número 1 de Padrón arquivase a actuación aberta de oficio polo incendio forestal que arrasou 1.162 hectáreas en Rianxo os pasados días 25 e 26 de marzo ao non apreciar intencionalidade nin delito penal, sete comunidades de montes deste municipio veñen de unirse na Plataforma pola Defensa do Monte e van abrir unha nova fronte cunha demanda por responsabilidade civil.

Van reclamar unha indemnización ás empresas Naturgy e Elecnor, ás que consideran responsables do lume en base á "extensa documentación" que vincula a súa orixe a unha "avería" nunha torre de alta tensión. O presidente da plataforma, Rafael Saco, compareceu onte ca vicepresidenta da comunidade de Asados, Manuela Alcalde, e co vogal da de Leiro, Javier Rey, que se integraron na mesma xunto cas de Araño, Burés, Ourille, Fieitoso e Paradela e a Asociación Fousas ao Monte.

Todas agrupan a máis de mil comuneiros cunhas dúas mil hectáreas. "Temos amplamente acreditado que o lume, que levou por diante anos de traballo das comunidades, tivo a súa orixe nunha avería nunha torre, arredor da cal había acumulada maleza seca dunha limpeza", sinalou Saco. Por iso, reclamarán a Naturgy e á súa mercantil de distribución e mantemento das liñas (Elecnor).

Actualmente están facendo unha peritaxe dos danos para cuantificar a compensación económica a pedir. "Non dudamos de que a haberá, pero agardamos que sexa xusta", engadiu. Dado que tamén se poden adherir afectados a título particular, celebraranse r­eunións informativas polas parroquias proximamente. Por outra banda, o colectivo plantéxase facer un plan de ordenación supracomunal do monte.

E, o vindeiro 17 de agosto, farán unha xornada de traballos en Leiro para combater a proliferación de eucaliptos tras os lumes.