El Correo Gallego

Noticia 120 de 285 noticia anterior de Ribeira Área de Compostela » Ribeira

Ribeira licita unha senda peonil en Aguiño que une Porto Fenicio con Couso

As empresas teñen ata o próximo día 3 de decembro para presentar as ofertas

Imaxe do Peirao Fenicio, en Ribeira - FOTO: C.R.
Imaxe do Peirao Fenicio, en Ribeira - FOTO: C.R.

C.E.   | 16.11.2019 
A- A+

O Concello de Ribeira acaba de licitar unha nova actuación consistente na implantación dunha senda peonil de 443 metros de longo e 2,5 de ancho entre Punta do Laño e o Peirao Fenicio (ambos emprazamentos situados na parroquia de Aguiño) que enlazará co camiño de 2.500 metros existente entre este último punto e Couso. Trátase dunha iniciativa enmarcada dentro da Edusi Máis Riveira Atlántica 2020, financiada nun 80% polo Fondo Europeo de Desenvolvemento Rexional (Feder).

O que se pretende con esta actuación é protexer o borde litoral nesta franxa ao tempo que se garante o libre acceso e uso público da costa e se potencia o seu emprego como zona de esparcemento e benestar da poboación. O orzamento desta intervención ascende a 74.600 euros e o seu prazo de execución son cinco meses. As empresas interesadas en concorrer ao concurso dispoñen ata o 3 de decembro para presentar as súas ofertas.