El Correo Gallego

Noticia 117 de 320 noticia anterior de Valga Área de Compostela » Valga

As clases de educación de adultos para a obtención do título da eso dan comezo o vindeiro luns

O prazo de inscrición permanecerá aberto durante todo o curso // Poden asistir de xeito gratuíto persoas maiores de 18 anos ou que cumpran esta idade antes do 1 de setembro de 2020

CONCELLO DE VALGA  | 02.10.2019 
A- A+

O curso 2019/2020 de educación para adultos para a obtención do título de graduado en Educación Secundaria Obrigatoria (ESO) dará comezo nas vindeiras semanas nas dúas modalidades habituais: proba libre ou preparación de módulos, que se examinan por separado e con diferentes contidos.

O inicio das clases na modalidade de módulos está fixado para o vindeiro luns, 7 de outubro, mentras que o alumnado de proba libre comezará as sesións unha semana máis tarde, o día 14.

As clases impártense no Auditorio Municipal, son gratuítas e diríxense a persoas maiores de 18 anos ou que cumpran esta idade antes do 1 de setembro de 2020.

Con carácter excepcional tamén poden asistir persoas que se atopen nalgún dos seguintes supostos:

  • Ser maior de 16 anos e ter un contrato de traballo
  • Ser deportista de alto rendemento
  • Ter cursado ensinanzas de persoas adultas en anos anteriores

O prazo de inscrición permanecerá aberto durante todo o curso.