Lunes 21.10.2019 Actualizado 00:39
Google    

El Correo Gallego

Noticia 79 de 223 noticia anterior de Valga Área de Compostela » Valga

O obradoiro "Deixa o móbil e debuxa" ofreceu aos rapaces participantes unha alternativa de entretemento activo

A vintena de asistentes realizaron ilustracións aplicando as técnicas que lles explicou o debuxante Xosé Manuel Fernández // As actividades continúan o vindeiro luns co taller “As superheroínas do noso pobo”, na Casa da Cultura de Valga

FOTO: Concello de Valga
FOTO: Concello de Valga

CONCELLO DE VALGA  | 29.07.2019 
A- A+

As bibliotecas municipais estrearon esta mañá os obradoiros infantís de dinamización da lectura programados para este verán coa actividade “Deixa o móbil e debuxa”, un obradoiro creativo de viñetas e humor gráfico que se desenvolveu na Aula CeMIT e que contou cunha vintena de nenos e mozos participantes.

A actividade ofreceu aos rapaces unha alternativa de ocio para este período estival, fomentando o entretemento activo e inculcándolles valores como a seguridade e a confianza en si mesmos, a perseverancia e o instinto de superación.

Aplicándo as técnicas que lles explicou o humorista gráfico Xosé Manuel Fernández Montes, os participantes botaron man do lapis e dos rotuladores para replicar algunhas ilustracións que o debuxante lles foi propoñendo.

As actividades organizadas polas bibliotecas municipais dentro do programa “Ler Conta Moito” continúan o vindeiro luns, 5 de agosto, con “As superheroínas do noso pobo”, un taller de ilustración centrado en debuxar a mulleres representativas de Valga e da súa contorna. Terá lugar na Casa da Cultura de Valga e a asistencia é gratuíta.