El Correo Gallego

Noticia 15 de 23 noticia anterior de Vedra Área de Compostela » Vedra

Vedra homenaxeou a Mariano Lema Pérez

Ex concelleiro de cultura que destacou pola súa labor en prol da herdanza cultural de Vedra

Pura Seoane, viuva de Mariano - FOTO: Concello de Vedra
Pura Seoane, viuva de Mariano - FOTO: Concello de Vedra

CONCELLO DE VEDRA  | 30.03.2019 
A- A+

Vedra homenaxeou ao finado Mariano Lema Pérez ex concelleiro de cultura polo Bng que destacou pola súa labor en prol da herdanza cultural de Vedra.

Un exemplo disto foi a súa recuperación da documentación das sociedades emigrantes de Vedra na Arxentina e que dende onte permanece no así inaugurado "Arquivo Histórico Municipal de Vedra e das Sociedades Emigrantes", e no que un busto de Mariano ten xa un lugar de honra.

Este Arquivo estará a disposición da veciñanza e do público en xeral, sempre con solicitude previa para a súa revisión ou lectura.

O acto que foi conducido polo actual concelleiro de Cultura Enrique Vázquez, reuniu aos 4 últimos alcaldes de Vedra, a un amplísimo número de representantes políticos de todos os grupos da actual corporación e tamén a un nutrido número de ex concelleiras e ex concelleiros que coincidiron no tempo con Mariano ademais de familiares e amizades do homenaxeado, tratándose dunha cita moi emotiva na que interviron:

José Antonio Pose, representante do bng de Vedra
Odón C. Cobas García, ex alcalde de Vedra e en representación do PsdGa.
César Lema, irmán do homenaxeado.
Pura Seoane, viuva de Mariano.

Estas dúas últimas intervencións foron as máis emotivas e aplaudidas do serán.

Pechou o acto Carlos Martinez Carrillo, alcalde de Vedra e a nota músical correu a cargo da Asoc. Cultural San Campio.