Os veciños de Rois poden solicitar xa o seu ingreso na Comunidade Enerxética Local

Dende este venres 8 de novembro, os veciños de Rois maiores de idade, pequenas empresas e asociacións poden cubrir xa o impreso para solicitar formar parte da Comunidade Enerxética Local, unha asociación que busca contribuír á sustentibilidade favorecendo a produción e o consumo de enerxías renovables entre a veciñanza, permitindolles ademais, aforrar na factura da luz. Este impreso pode descargarse na web (neste enlace) ou solicitalo nas oficinas municipais.

O pleno de Rois aproba crear unha comunidade enerxética para fomentar o uso de renovables

Liderada polo Concello de Rois, a Comunidade Enerxética Local solicitará subvencións para instalar paneis solares nos polideportivos de Rois e de Urdilde, ao tratarse das instalacións públicas cunha maior superficie de cuberta. Ademais, o número de paneis solares a solicitar variará en función dos quilovatios solicitados polas persoas e entidades que formen parte da asociación.

O pasado 24 de setembro, durante unha reunión informativa, Daniel Ferreirós, de Losa Abogados, e Susana Rodríguez e Laura Llanos, de Sertogal Ingeniería, explicaron algúns dos aspectos máis destacados do proxecto. Neste sentido, comentaron que tanto a Unión Europea como o Ministerio de Industria están priorizando ás comunidades enerxéticas sobre os particulares na concesión de subvencións para a instalación de placas solares.

Rois contará con dos placas solares para promover la autosufiencia energética

Ademais, tamén engadiron que se unha persoa membro da asociación merca 2kw, recibirá un desconto equivalente en cada factura da luz, e que se fará un estudo pormenorizado de cada persoa para recomendarlle o número de quilovatios que necesita mercar en función do seu consumo. Por outro lado, as persoas que residan a menos de dous quilómetros das instalacións fotovoltaicas estarán exentas do pago das peaxes por transporte e distribución da enerxía dos quilovatios que adquiran.

Así mesmo, en función da demanda dos asociaciados á comunidade enerxética, poderianse instalar placas noutros edificios públicos para ampliar as persoas beneficiarias.