Portos de Galicia e a Fundación RIA analizan o deseño da planificación da fronte marítima da Pobra

O presidente de Portos de Galicia, José Antonio Alvárez, reuniuse este martes 17 de decembro co director da Fundación RIA, Manuel Rodríguez, para analizar a colaboración entre a entidade e a Fundación MOP (Marta Ortega Pérez) para coñecer o deseño da planificación da fronte marítima da Pobra, unha acción que afecta á zona portuaria.

Marta Ortega se alía con David Chipperfield por la arquitectura sostenible

O deseño busca reordenar a fronte marítima urbana, na súa maioría administrada por Portos de Galicia, e o punto de partida é o estudo realizado pola fundación RIA en colaboración coa AXI para a integración urbana da estrada AC305 ao seu paso polo núcelo.

Esta planificación busca reorganizar e humanizar a fronte marítima, mellorando a relación entre os espazos portuarios e o núcleo urbano. Nese sentido, no encontro, o presidente de Portos de Galicia e o equipo técnico de RIA afondaron nas posibilidades de actuación, tendo en conta o procedemento que Portos de Galicia ten en marcha para a reversión de terreos innecesarios para a actividade portuaria á Administración Xeral do Estado, e que inclúe, entre outros, ao peirao da Pobra.