María Cruces Vilas sopra as candeas e Rois suma unha nova centenaria

María Cruces Vilas, veciña de Carrais, na parroquia roisense de Herbogo, celebrou este luns 20 de xaneiro o seu 100 aniversario rodeada da súa familia.

A Deputación apoia os programas de envellecemento activo de Carnota, Dodro, Lousame e Rois

Con motivo desta efeméride, a cumpleañera recibiu no seu fogar a visita do alcalde de Rois, Ramón Tojo, e da concelleira de Cultura, Educación e Lingua, Victoria Quiroga Ramallo, que lle trasladaron os parabéns en nome de todo o municipio.

No encontro, a homenaxeada estivo acompañada pola súa irmá máis nova, Asunción, e outros membros da súa familia, e recibiu de mans do alcalde un peregrino, unha felicitación institucional e un ramo de flores como mostra de recoñecemento.

María Cruces Vilas naceu en Bralo, Augasantas, en 1925 e é a maior de sete irmáns. Na actualidade, vive en Carrais, onde casou e creou unha familia composta por catro fillos, sete netos e sete bisnetos. Ao longo da súa vida, dedicouse ás labores do campo, da casa e ao coidado da súa familia, converténdose nun exemplo de dedicación e esforzo.